انا استاذة مدارس ابتدائية مشيت نهار 27سبتمبر باش نجبد شهريتي نلقاها ناقصة 240د قاصتها الوزارة يخي توجهت مباشرة للادارة الجهوية للتعليم بسيدي بوزيد خرجت بطاقة بيانية في الاجر اكتشفت من خلالها انو القصاص تابع الودادية لصالح شركة اوربدو مع العلم اني مانيش شاربة حتى شيء منهم وقالولي امشي ثبت معاهم يخي وقت اللي مشيت لبوتيك اوريدو في سيدي بوزيد قالولي هاك شاربة 3 تاليفونات و مودام متاع انترنات باسمك وماكش ماخذتيهم من عندنا قلتلهم اعطوني العقود اللي خذيت بيهم قالولي موش من عنا شريتيهم من بوتيك في تونس حبيت نقلكم اني تعرضت لعميلة تحيل من المسؤول هل ودادية التعليم ام شركة اوريدو ولهذا نحب نقلكم وخاصة هاك الجماعة اللي يجبدو بالكارطة و يبدو داخلين في الروج ننصحكم تفقدو شهرياتكم بكشف من البانكا راو ثما عصابة قاعدة تتحيل يدبرو الماطريكيل من الادارة ويشرو اللي يحبو عليه هذا اللي صار عليا وعلى زوجي”
