كتبت احدى السيدات الفاضلة من الاستاذة تعليقا على صفحة التلميذ التونسي و تفاعل معها العديد من المتابعين و لاقت استحسانا كبيرا فيما يلي نهصها :
أنا عام هذا تلامذتي نهار عيد ميلادي كنت مريضة وممشيتش نقري جاوني الدار واحتفلو بيه حكاية دامت ساعة أو أقل ممكن البعض يراها تطيح قدر ووووو أنا نراها حب وقدر كبير لأنو موش بالساهل جيل هذا يتعلق باستاذة وزيد كيف يجيوني يجريو يحكيولي مشاكلهم ويحملوني نولي نحب نخرج قلبي و نعطيهولهم . لست فقط استاذة أنا مربية وام نربي على الحب والصدق وتنمية الذات أنا نسمعهم وكيف نعطيهم حبي درس يتعدى برمشة عين وقد.اش نفرح كيف حد يقولي ما فهمتش ونعاود مرة وثنين ونشوف في عينيهم ضايعين نزيد نعاود . أغلب تلامذتنا ناقصين محبة ويلوجو عليهم فينا . الي قلبو فيه شر ويتسسم ويتصومم على تلامذة نقلو مع الاسف بلاصتك موش في التعليم لست هنا لالقن معلومة فقط أنا ابني جيل . محلاها ضحكتهم اخر عام ومحلى فرحتهم كيف ينجحو ويفروحني معاهم . نحبكم برشا تلامذتي وربي ينجحك ويفرح اهلكم بيكم
